Menntadagur atvinnulífsins - skráning er hafin

05. febrúar 2015

Menntadagur atvinnulífsins  verður haldinn fimmtudaginn 19. febrúar  á Hilton Reykjavík Nordica. Áður en dagskrá hefst munu aðildarfélög Samtaka atvinnulífsins standa fyrir vinnustofum. Samtök fjármálafyrirtækja verða með vinnustofu starfsmanna í fjármálageiranum þar sem meðal annars verður rætt um nám til vottunar fjármálaráðgjafa og til vottunar tryggingastarfsmanna.

Dagskrá menntadagsins hefst klukkan 14:00 og lýkur klukkan 16:00 þegar menntaverðlaun atvinnulífsins verða afhent. SFF hvetja starfsmenn aðildarfélaganna til þess að fjölmenna á menntadaginn. Dagskrá hans ásamt skráningu má finna hér.  Það er vissara að tryggja sér sæti sem fyrst en hátt í 400 manns sóttu menntadaginn 2014.  Allir eru velkomnir og er ekkert þátttökugjald.

Menntadagur atvinnulífsins er samstarfsverkefni SAF, SFF, SFS, Samorku, SI, SVÞ og SA. Í upphafi dagsins kl. 12.30 munu samtökin efna til málstofa þar sem samtökin kynna áherslur sínar í menntamálum og svara fyrirspurnum en kl. 14 hefst sameiginleg dagskrá sem stendur til kl. 16.30.

Gestur menntadagsins að þessu sinni er Henning Gade, forstöðumaður hjá DA, samtökum atvinnulífsins í Danmörku, en hann mun ræða um breytingar á starfsnámi í Danmörku sem taka gildi í haust og hvað Íslendingar geti af því lært.

Fulltrúar fyrirtækja munu ræða um stöðu mála og hvað megi gera betur og þá mun Illugi Gunnarsson, mennta- og menningarmálamálaráðherra ræða um viðhorf fyrirtækja til starfsmenntunar ásamt því að afhenda menntaverðlaun atvinnulífsins 2015.