Vottun tryggingaráðgjafa

Tryggingaskólinn hefur verið rekinn við góðan orðstír í tæplega 60 ár og útskrifað á annað þúsund nemendur

Vottun tryggingaráðgjafa byggir á sérhæfðu trygginganámi sem SFF heldur utan um í samstarfi við íslensk vátryggingafélög sem aðilar eru að samtökunum og Opna háskólann í Háskólanum í Reykjavík.

Tryggingaskólinn á sér tæplega sextíu ára farsæla sögu. Árið 2014 var skipulagi skólans breytt og tekið upp sérstakt nám til vottunar í tryggingaráðgjöf í samstarfi við Opna háskólann. 

Námið tekur mið af starfsumhverfi tryggingafélaga s.s. væntingum og réttindum neytenda, lagaumhverfi og kröfum eftirlitsaðila. Boðið er uppá námið annað hvert ár. 

Markmið Tryggingaskólans

  • Samræma kröfur til tryggingaráðgjafa
  • Auka áreiðanleika ráðgjafar með þjálfun í ráðgjafafærni
  • Auka þekkingu starfsfólks á laga- og viðskiptaumhverfi
  • Efla persónulega hæfni

Nánari upplýsingar

Menntun og fræðsla