Skip to content

Opið fyrir tilnefningar til menntaverðlauna atvinnulífsins fram til 30. janúar

Menntaverðlaun atvinnulífsins verða afhent í Hörpu miðvikudaginn 14. febrúar. Opið er fyrir tilnefningar til verðlaunanna fram til þriðjudagsins 30. janúar. Tilnefningar berist hér í gegnum umsóknarform en einungis er hægt að tilnefna skráð aðildarfélög SA.

Óskað er eftir tilnefningum um fyrirtæki sem hafa staðið sig vel á sviði fræðslu- og menntamála. Fyrirtækjum er velkomið að tilnefna sig sjálf.

Viðburðurinn er haldinn sameiginlega af Samtökum fjármálafyrirtækja, Samtökum ferðaþjónustunnar, Samtökum fyrirtækja í sjávarútvegi, Samtökum iðnaðarins, Samtökum verslunar og þjónustu, Samorku og Samtökum atvinnulífsins.

Verðlaun eru sem fyrr veitt í tveimur flokkum. Menntafyrirtæki ársins er valið og menntasproti ársins útnefndur, en fyrirtæki sem tilnefnd eru verða að uppfylla ákveðin viðmið.

Helstu viðmið fyrir menntafyrirtæki ársins eru:

  • að skipulögð og markviss fræðsla sé innan fyrirtækisins
  • að sem flest starfsfólk taki virkan þátt
  • að haldið sé utan um mælikvarða í fræðslumálum
  • að hvatning sé til staðar til frekari þekkingaröflunar

Helstu viðmið vegna menntasprota ársins eru:

  • að lögð sé stund á nýsköpun í menntun og fræðslu, innan fyrirtækis og/eða í samstarfi fyrirtækja
  • samstarf fyrirtækja og samfélags um eflingu fræðslu, innan sem utan fyrirtækja.

Skýr og skipulögð gögn hjálpa dómnefnd að meta tilnefningar.

Hægt er að tilnefna fyrirtæki hér til menntaverðlauna atvinnulífsins.

Deila færslu