Drög að frumvarpi til laga um breytingu á lögum um sjúkraskrár nr. 55/2009 snýst um innleiðingu á svokölluðu umsýsluumboði sem er umboð sem sérfræðilæknir veitir fyrir hönd einstaklings sem er ófær um að veita slíkt umboð sjálfur. Umboðið veitir aðgang að heilbrigðisgáttum í þeim tilgangi að geta sýslað með og sinnt þörfum einstaklingsins innan heilbrigðisþjónustunnar. Slíkt umboð gerir umboðshafa kleift að fá upplýsingar um viðkomandi með rafrænum skilríkjum sínum. Umsögn SFF lýsir þörf á að sambærileg lausn verði þróuð þegar kemur að tilteknum fjármálatengdum málefnum einstaklinga sem eru ófærir um að sinna þeim sjálfum og veltir upp samspili við lausn þá sem frumvarpið fjallar um.
