SFF eru fylgjandi lögfestingu frumvarps fjármálaráðherra varðandi einföldun úrskurðarnefnda á sviði neytendamála og því markmiði frumvarpsins að tryggja að deilur neytenda við m.a. aðildarfélög SFF (fjármálafyrirtæki og vátryggingafélög), verði leystar hjá frjálsum viðurkenndum úrskurðaraðilum í stað lögbundinna úrskurðaraðila.
Lögfesting frumvarpsins mun leiða til þess að starfsemi úrskurðarnefndar í vátryggingamálum og úrskurðarnefndar um viðskipti við fjármálafyrirtæki færist nær upprunalegu fyrirkomulagi þannig að þær starfi fyrst og fremst á grundvelli samninga SFF og Neytendasamtakanna, án þess að skerða aðgengi neytenda að skilvirkri og faglegri málsmeðferð utan dómstóla.