Stefnur og samþykktir SFF

Persónuvernd þín skiptir SFF miklu máli. Stefna samtakanna tekur til persónuupplýsinga hvort sem þeim er safnað og þær varðveittar með rafrænum hætti, á pappír eða með öðrum sambærilegum hætti. Stefnan tekur til skráningar, vörslu og vinnslu á persónuupplýsingum.

Samkeppnislög byggja á þeim grunni að virk samkeppni í viðskiptum stuðli að hagkvæmri nýtingu framleiðsluþátta þjóðfélagsins og hámarki velferð almennings. Samkeppni er þannig talin stuðla að lægra verði, auknum gæðum, betri þjónustu, nýsköpun í vörum og þjónustu og betur reknum og samkeppnishæfari fyrirtækjum. SFF styðja heilbrigða samkeppni í íslensku atvinnulífi neytendum til hagsbóta.

SFF vinna í samræmi við samkeppnistefnu í allri sinni starfsemi.

SFF hafa uppfært samkeppnisstefnu sína sem hefur verið í gildi frá árinu 2016 sem og innri leiðbeiningar samtakanna um fylgni við samkeppnislög.

Í tilefni sáttar við Samkeppniseftirlitið frá 8. mars 2022 hafa samtökin sérstaklega uppfært innri reglur um þátttöku SFF í umræðu um verðlagsmál aðildarfyrirtækja sinna eða þjónustu, þannig að tryggt sé að farið sé að fyrirmælum Samkeppniseftirlitsins frá 2004 um takmarkanir á heimildum SFF hvað varðar opinbert fyrirsvar fyrir aðildarfélög sín. Ráðstafanirnar felast í skýrari innri reglum um þátttöku SFF í opinberri umræðu um verðlagningu og þjónustu aðildarfélaga, fræðslu og eftirfylgni.

Fjármálafyrirtæki og tryggingafélög leggja mikla áherslu á að sýna samfélagslega ábyrgð í verki

Smelltu á hlekkinn hér að neðan til að opna samþykktir SFF