Umræða um bankana hefur áhrif á lánshæfið

Opinber umræða um íslensku bankana er metinn sem sérstakur áhættuþáttur í lánshæfni íslenska bankakerfisins sem leiðir til verri vaxtakjara fyrir bankana. Það gæti svo aftur skilað sér í hærri útlánavöxtum til heimila og fyrirtækja hér á landi. Þetta er meðal annars sem kemur fram í viðtali Morgunblaðsins við Heiðrúnu Jónsdóttur framkvæmdastjóra SFF sem birtist 9. des.

Alþjóðamatsfyrirtækið Moody‘s hefur metið þetta sem sérstakan áhættuþátt og vísaði sérstaklega til opinberrar umræðu hérlendis bæði af hendi stjórnamálamanna og almennings. „Fjár­mála­kerfið er sann­ar­lega ekki hafið yfir gagn­rýni. En það hef­ur loðað við umræðuna að hún get­ur verið óvæg­in og óvar­kár. Er það reynd­ar al­veg skilj­an­legt ef pirr­ing­ur al­menn­ings bein­ist að bönk­un­um enda er það á greiðslu­seðlum bank­anna sem fólk sér t.d. áhrif hærri stýri­vaxta koma fram. Mættu ekki síst kjörn­ir full­trú­ar stund­um vanda sig ögn bet­ur því van­hugsuð og yf­ir­spennt um­mæli þeirra hafa í för með sér orðsporsáhættu sem gæti valdið bönk­un­um og viðskipta­vin­um þeirra viðbót­ar­kostnaði að óþörfu, t.d. þegar það hef­ur áhrif á ein­kunn mats­fyr­ir­tækja eins og kom fram hjá Moo­dys. Við þurf­um öll að vanda okk­ur í orðfæri og störf­um okk­ar, alla daga og alltaf,“ sagði Heiðrún í viðtalinu sem nálgast má hér.

Íslandsálagið 1%

Í viðtalinu sem birtist í heild sinni í Morgunblaðinu kom einnig fram að með því að létta af fjármálakerfinu alls kyns séríslenskum álögum og skilyrði gæti myndast svigrúm til að lækka útlánavexti bankanna á bilinu 0,96-1,15 prósentustig. Þessi tala, sem er hluti af svokölluðu Íslandsálagi, kom fram í nýúkominni skýrslu Gunnars Haraldssonar, hagfræðings hjá Intellecon, um Þjóðhagsleg áhrif og rekstrarumhverfi fjármálageirans á Íslandi. Í skýrslunni kom fram að skattgreiðslur íslenskra banka væru mjög háar m.v. aðra banka í Evrópu og íslenskir bankar þyrftu líka að verða við ýmsum kröfum og skyldum, s.s. um bindiskyldu og eiginfjárhlutfall, umfram það sem tíðkast  hjá öðrum Evrópulöndum.

Heiðrún undistrikaði þó að taka verði tölum Intellecon með ákveðnum fyrirvara, og að bankarnir myndu væntanlega bregðast við með ýmsum hætti ef Íslandsálaginu yrði létt af fjármálageiranum. „Það væri und­ir hverj­um og ein­um þeirra komið en þetta viðbót­ar­svig­rúm mætti t.d. nota til að fjár­festa í nýrri tækni til að auka skil­virkni, eða nýta til að bæta þjón­ustu við viðskipta­vini, greiða út hærri arð ell­egar bjóða viðskipta­vin­um betri vaxta­kjör,“sagði Heiðrún.

Skýrslan og kynning Gunnars á henni má sjá hér.

‍